عن زاجل
مش هنكتبلك «أفضل شركة نقل في مصر»
ولا «20 سنة خبرة» ولا «10,000 عميل سعيد». هنكتبلك حاجتين تقدر تحاسبنا عليهم يوم النقل.
لو فتحت مواقع شركات النقل هتلاقي نفس الكلام: أفضل، أرخص، أسرع، فريق مدرّب، خبرة سنين. ومحدش يقدر يتأكد من أي حاجة فيهم قبل ما عفشه يتشال.
واللي بيوجع الناس فعلًا يوم النقل كلمة واحدة: «فجأة». فجأة العربية مش كفاية، فجأة الكنبة مش هتنزل ومحتاجين ونش، فجأة بقالك ساعتين مش عارف عفشك فين.
عشان كده زاجل قايمة على حاجتين بسيطتين: نشوف عفشك في الصور قبل اليوم، عشان العربيات والعمال والونش يبقوا على قده من الأول. ويوم النقل، نقولك عفشك فين بصورة بعد كل مرحلة.
واسمنا من الحمام الزاجل: مهمته الوحيدة إن الرسالة توصل، وإن اللي باعتها يطمن إنها وصلت.
فريق زاجل
اللي تقدر تحاسبنا عليه
تلات حاجات.. مش تلاتين
العربيات على قد عفشك
من صور كل أوضة — والبلكونة والسطح — بيتحدد عدد العربيات والعمال قبل اليوم.
الونش معروف من قبلها
صورة السلم والبلكونة بتقول الونش لازم ولا لأ، فمايبقاش مفاجأة على الباب.
رسائل زاجل
صورة ورسالة بعد كل مرحلة، فتعرف عفشك فين من غير ما تقف على السلم تسأل.
عناوين التسليم
بنوصل فين؟
ابعت صور عفشك.. وخلّي يوم النقل من غير «فجأة»
صور الأوض ولوكيشن البيتين على واتساب، ويوصلك السعر مكتوب ومفصّل بالعربيات والعمال والونش لو محتاجه.