العفش الجديد مش بيتكسر.. بيتخدش. وخدش واحد في غرفة النوم الجديدة أو في ضهر السفرة كفاية يزعّل العروسة وأهلها. عشان كده نقل الجهاز محتاج تعامل مختلف عن نقل عفش مستعمل.
إيه اللي بنعمله مختلف؟
- العفش اللي لسه بنايلونه بيتغطى ببطاطين فوق النايلون، لأن النايلون لوحده مش بيحمي من الخدش.
- الأجهزة اللي في كراتينها بتتشال زي ما هي، ومن غير ما تتقلب.
- غرفة النوم والدولاب بيتركبوا في الشقة ويتضبطوا، مش بيتسابوا أجزاء.
- الصيني والنيش كل قطعة لوحدها.
جاي من دمياط أو من المعرض؟
قول من فين لفين بالظبط، وابعت صور العفش أو صورة الفاتورة اللي فيها القطع. لو الجهاز جاي من خارج القاهرة والجيزة، اسأل على واتساب قبلها.
والعروسة تتابع من مكانها
«رسائل زاجل» بتوصل لأي رقم تختاروه: صورة بعد التغليف، وبعد التحميل، ولما الجهاز يوصل الشقة، وصورة أخيرة لغرفة النوم وهي متركبة.
شوف كمان: تغليف الأثاث والفك والتركيب.
