اسأل أي حد نقل عفش في مصر عن أسوأ لحظة في اليوم، وغالبًا مش هيقولك الشيل ولا الزحمة. هيقولك جملة بتبدأ بـ«فجأة»، اتقالت وهو واقف على السلم والعفش نصه في العربية. والخبر الحلو إن أغلبها بيتعرف قبلها.
1. «فجأة: العربية دي مش هتكفي»
بتحصل لما محدش شاف العفش قبل اليوم، أو لما الصور ما كانتش كاملة. اعرفها قبلها: صوّر كل أوضة، ومتنساش البلكونة والسطح والمخزن والحاجات اللي فوق الدواليب.
2. «فجأة: الكنبة مش هتنزل.. لازم ونش»
اعرفها قبلها: ابعت صورة للسلم عند اللفّات، والأسانسير وهو مفتوح، والبلكونة من بره. ومن الصور يتقالك الونش لازم ولا لأ. اقرأ: ونش ولا سلم؟
3. «فجأة: الأسانسير ممنوع يتحمّل فيه عفش»
عمارات كتير عندها القاعدة دي. اعرفها قبلها: اسأل البواب أو اتحاد الملاك، وقول للشركة.
4. «فجأة: الأمن مش هيدخّل العربية دلوقتي»
في الكمبوندات، التصريح والمواعيد المسموحة بيتحددوا من الإدارة. اعرفها قبلها: اسأل قبلها بيوم، وشوف النقل للكمبوندات.
5. «فجأة: الدولاب مش هيعدي من الباب»
الدواليب الكبيرة والقديمة غالبًا محتاجة فك. اعرفها قبلها: صوّر الدولاب لوحده، وقول لو كان اتركب في الشقة نفسها من الأول.
والمفاجأة السادسة: «مش عارف العفش وصل لفين»
دي اللي «رسائل زاجل» معمولة عشانها: صورة ورسالة بعد كل مرحلة، فتكون عارف عفشك فين وانت في أي مكان.
